एजेन्सी।
अमेरिकाको टेक्सासमा एउटा निजी विमान दुर्घटना हुँदा १० जनाको मृत्यु भएको छ । जहाज उड्ने क्रममा टेक्सासको एडिसन म्यूनिसिपल एयरपोर्टमा दुर्घटना भएको हो । आवश्यक उचाई लिन नसकेपछि जहाज एक ह्यांगरमा घुसेको थियो । त्यसपछि आगलागी भएको विमानमा सवार सबै १० जनाको मृत्यु भएको अधिकारीहरुले जनाएका छन् । दुर्घटना हुनासाथ उद्धार गरेर घाइतेहरुलाई अस्पताल लगिएको थियो । एडिसन टेक्सासका प्रवक्ताले डलास काउन्टी मेडिकल एक्जामिनरले विमानमा सवार सबैको मृत्यु भएको पुष्टी गरेको अमेरिकी सञ्चारमाध्यमहरुले जनाएका छन् ।