कम्पनीले यसअघि वैदेशिक रोजगारीमा रहेका नेपाली, सामूहिक लगानी कोष तथा कर्मचारीका लागि छुट्याइएको शेयर बाँडफाँट गरिसकेको छ। अब बाँकी रहेको शेयर सर्वसाधारण लगानीकर्ताका लागि बिक्री खुला गर्न लागिएको हो।

इच्छुक लगानीकर्ताले न्यूनतम १० कित्ता र अधिकतम तोकिएको सीमासम्म आवेदन दिन सक्नेछन्। आईपीओमा आवेदन दिन चाहने लगानीकर्ताले सी–आस्बा प्रणालीमार्फत बैंक तथा वित्तीय संस्था वा मेरो सेयर प्रयोग गरी आवेदन दिन सक्नेछन्।

कम्पनीले जारी गर्न लागेको आईपीओ नेपाल धितोपत्र बोर्डबाट स्वीकृत प्राप्त निष्कासन कार्यक्रमअन्तर्गत सर्वसाधारणका लागि खुला गर्न लागेको जनाएको छ।

पुँजी बजारमा नयाँ कम्पनी थपिने क्रममा रहेको सर्वोत्कृष्ट पेन्ट्सले उद्योग विस्तार, उत्पादन क्षमता वृद्धि तथा व्यवसायिक योजना कार्यान्वयनका लागि सर्वसाधारणबाट पुँजी संकलन गर्न लागेको हो।

लगानीकर्ताले आवेदन दिनुअघि कम्पनीको वित्तीय अवस्था, व्यवसायिक सम्भावना, जोखिम तथा निष्कासन विवरणपत्र अध्ययन गरेर मात्र लगानी निर्णय लिन विज्ञहरूले सुझाव दिएका छन्।