नेपालको ऐतिहासिक सफलता : अन्तर्राष्ट्रिय जीत कुन्डो मार्सल आर्ट स्ट्रिट डिफेन्स प्रतियोगिता (Street Defense Tournament – SDT) मा टिम च्याम्पियन

भारतको मुम्बईमा२४ मे २०२६) मा सम्पन्न अन्तर्राष्ट्रिय जीत कुन्डो (Jeet Kune Do) मार्सल आर्ट एसोसिएसनद्वारा आयोजित स्ट्रिट डिफेन्स प्रतियोगिता (Street Defense Tournament – SDT) मा नेपाली खेलाडीहरूले उत्कृष्ट प्रदर्शन गर्दै नेपालको गौरवलाई अन्तर्राष्ट्रिय मञ्चमा उच्च बनाएका छन्। प्रतियोगितामा सहभागी नेपाली टोलीले पुरुष तथा महिला दुवै तर्फका विभिन्न तौल समूहमा स्वर्ण पदक जित्दै समग्रमा टिम च्याम्पियन बन्न सफल भएको हो।
प्रतियोगितामा नेपाली खेलाडीहरूले अनुशासित, साहसिक तथा प्रभावशाली प्रदर्शन गर्दै आफ्ना प्रतिस्पर्धीहरूलाई पराजित गरेका थिए। उनीहरूको उत्कृष्ट प्रदर्शनका कारण नेपालले प्रतियोगितामा पहिलो स्थान हासिल गर्दै ऐतिहासिक सफलता प्राप्त गरेको छ।
पुरुषतर्फ स्वर्ण पदक विजेता:
विजय थापा – ५०-५५ केजी तौल समूह (प्रथम स्थान)
अमित थापा- ५५ देखि ६० केजी तौल समूह (प्रथम स्थान)
सलिल थापा- ५० केजीमुनि तौल समूह (प्रथम स्थान)
शुसान्त चौधरी- ६० देखि ६५ केजी तौल समूह (प्रथम स्थान)
विवेक थापा- ६० देखि ६५ केजी तौल समूह (दोस्रो स्थान)
सञ्जीव माझी- ६५ देखि ७० केजी तौल समूह (प्रथम स्थान)
पिताम्बर मगर- ७० केजीमाथि तौल समूह (प्रथम स्थान)
महिलातर्फ पदक विजेता:
निजला मगर- ४५ केजीमुनि तौल समूह (प्रथम स्थान)
जमुना बिके- ६० देखि ६५ केजी तौल समूह (प्रथम स्थान)
सारिका नेपाली- ५० देखि ५५ केजी तौल समूह (दोस्रो स्थान)
फुलग्याल्मो तामाङ- ५५ देखि ६० केजी तौल समूह (प्रथम स्थान)
निलम कोइराला- ४५ देखि ५० केजी तौल समूह (प्रथम स्थान)
निर्णायक तथा प्राविधिक टोली प्रतियोगिताको निर्णायक मण्डलमा नेपालबाट अन्तर्राष्ट्रिय जीत कुन्डो मार्सल आर्ट एसोसिएसन नेपालका महासचिव तथा अन्तर्राष्ट्रिय प्रशिक्षक शिव बहादुर थापा प्रमुख जूरीको भूमिकामा रहेका थिए। साथै भारतबाट रानी, मोहम्मद रहमा सलमानी तथा अंकुर कौशिक निर्णायकका रूपमा सहभागी थिए।

नेपालबाट दक्षिण एसियाली रेफ्री दीपेन्द्र श्रेष्ठ, कुमार बस्नेत तथा नवराज दनुवार ले पनि सफलतापूर्वक निर्णायकको जिम्मेवारी निर्वाह गरेका थिए।
टोलीको स्वास्थ्य सेवाका लागि सृजना खड्का (नर्स) ले महत्वपूर्ण भूमिका निर्वाह गरेकी थिइन्।

नेपाली टोलीको यस ऐतिहासिक उपलब्धिले अन्तर्राष्ट्रिय स्तरमा नेपालको जीत कुन्डो मार्सल आर्टको बढ्दो प्रभाव, क्षमता तथा सम्भावनालाई थप उजागर गरेको छ। खेलाडी, प्रशिक्षक, निर्णायक तथा व्यवस्थापन टोलीको सामूहिक प्रयासका कारण नेपालले प्रतियोगिताको उपाधि जित्दै राष्ट्रिय गौरव कायम राख्न सफल भएको छ। नेपालका लागि यो उपलब्धि खेलकुद इतिहासमा एक महत्वपूर्ण, गौरवपूर्ण तथा प्रेरणादायी क्षणका रूपमा रहनेछ।

नेपाली खेलकुद इतिहासमा स्वर्णिम उपलब्धि:#🇳🇵🏆#