काठमाडौं। माछापुच्छ्रे बैंकले २८औँ वार्षिक साधारणसभा असोज २८ गते पोखरामा हुने भएको छ। बैंक सञ्चालक समितिको निर्णयअनुसार सभा पोखराको होटल पोखरा ग्रान्डमा बिहान ११ बजे सुरु हुनेछ।
सभाले आर्थिक वर्ष २०८२/८३ का लागि प्रस्तावित ६ प्रतिशत लाभांश अनुमोदन गर्ने मुख्य प्रस्ताव राखेको छ। बैंकको चुक्ता पुँजी १२ अर्ब ८ करोड रुपैयाँका आधारमा प्रस्तावित लाभांशमध्ये ३ प्रतिशत बोनस शेयर र ३ प्रतिशत नगद लाभांश रहेको छ।
३ प्रतिशत बोनस शेयरको मूल्य करिब ३६ करोड २५ लाख रुपैयाँ र ३ प्रतिशत नगद लाभांश पनि करिब ३६ करोड २५ लाख रुपैयाँ बराबर हुनेछ।
त्यसैगरी, सभामा प्राथमिकताप्राप्त शेयरधनीका लागि ८.२५ प्रतिशत नगद लाभांश वितरण गर्ने प्रस्तावसमेत पेश हुनेछ। करसहित ७ करोड ४५ लाख ८९ हजार ४१ रुपैयाँ बराबरको उक्त लाभांश समानुपातिक आधारमा वितरण गर्ने प्रस्ताव छ।
सभाले आर्थिक वर्ष २०७९/८० को लेखापरीक्षकको प्रतिवेदनसहित नाफा–नोक्सान हिसाब, वित्तीय विवरण तथा नगद प्रवाह विवरण अनुमोदन गर्ने र आर्थिक वर्ष २०८०/८१ का लागि लेखापरीक्षक नियुक्त गर्ने प्रस्ताव पनि अघि बढाउनेछ।
असोज १२ गते बुक क्लोज
बैंकले लाभांश वितरण तथा साधारणसभा प्रयोजनका लागि असोज १२ गते बुक क्लोज गर्ने भएको छ। त्यसैले असोज ११ गतेसम्म कायम शेयरधनीले प्रस्तावित लाभांश प्राप्त गर्नुका साथै साधारणसभामा सहभागी हुन पाउनेछन्।
प्रस्तावित ६ प्रतिशत लाभांशमा बोनस र नगद दुवै समावेश भएकाले बैंकका शेयरधनीका लागि सभाको निर्णयपछि वितरण प्रक्रिया अघि बढ्नेछ।
