उक्त कार्यक्रममा प्रमुख अतिथि नेपाल आदिवासी जनजाति महासंघका अध्यक्ष ग्याल्जे शेर्पाले जल, जमिन र जंगलमा आदिवासी जनजातिका परम्परागत हक अधिकारबाट वञ्चित गरिएकोप्रति चिन्ता व्यक्त गरे। उनले संविधानमा सुनिश्चित अधिकारहरूको प्रभावकारी कार्यान्वयन र व्यवहारिक प्रत्याभूतिको आवश्यकता औंल्याउँदै, “महासंघ अहिले जनजातिका अधिकार र पहिचानको रक्षामा अग्रसर छ,”  उनलेे भने।

कार्यक्रममा विभिन्न जनजातीय सहकर्मी संघ-संस्थाका प्रतिनिधिहरूको सक्रिय सहभागिता थियो। उनीहरूले विश्व आदिवासी दिवसको अवसरमा शुभकामना मन्तव्य राख्दै आदिवासी जनजातिका सवालमा साझा अभियानसहित एकताबद्ध रूपमा अघि बढ्ने प्रतिबद्धता जनाए।

उपस्थित प्रमुख प्रतिनिधिहरू:

• पवित्र बज्राचार्य, अध्यक्ष – नेवा: देय दबु

• शान्ति देवान, उपाध्यक्ष – किराँत यायोक्खा छुम्मा

• सर्वधन राई, उपाध्यक्ष – किराँत राई यायोक्खा

• निरन्ती तुम्वणे, महासचिव – किराँत याक्थुम्बा चुम्लुङ

• हरिचन्द्र छन्त्याल, अध्यक्ष – छन्त्याल संघ

• गंगा बहादुर थापा मगर, सह-अध्यक्ष – नेपाल मगर संघ

• भद्रकुमारी बराम, अध्यक्ष – नेपाल बराम संघ

• सुमन चौधरी, उपत्यका सभापति – थारु कल्याणकारी सभा

• अमृत सुनुवार, अध्यक्ष – सुनुवार सेवा समाज

उनीहरूले आदिवासी समुदायका हक, पहिचान, संस्कृति, भाषा र परम्परागत ज्ञानको संरक्षण तथा संवर्द्धनका लागि सबै संघ-संस्थाबीच समन्वय, सहकार्य र ऐक्यबद्धताको आवश्यकता औंल्याएका थिए।

तमु ह्युल छोज धि गुरुङ राष्ट्रिय परिषदका महासचिव राजु गुरुङले यस कार्यक्रम संचालन गर्नुभएको थियोे। जसमा आदिवासी जनजातिको अधिकारका माग पनि कार्यक्रममा बलियो रूपमा प्रस्तुत गरिएको थियो।

कार्यक्रमको विशेष सन्देश:

“प्राकृतिक श्राेत जल, जमिन र जंगल माथि आदिवासी जनजातिको अधिकार सुनिश्चित गर, संयुक्त राष्ट्र संघको UNDRIP/ ILO 169(आदिवासी जनजातिका अधिकारसम्बन्धी घोषणापत्र) सर्वाेच्च अदालतकाे निर्देशात्मक आदेश  कार्यान्वयन गर” भन्ने मूल नाराले कार्यक्रमको उद्देश्य स्पष्ट पारेको थियो।

कार्यक्रम विवरण:

📅 मिति: २०८२ साल साउन २३ गते, शुक्रबार
📍 स्थान: केन्द्रीय कार्यालय, मित्रनगर, काठमाडौं
👥 आयोजक संस्था:
तमु ह्युल छोज धि गुरुङ राष्ट्रिय परिषद