ईकोनोमिक खबर, काठमाडौं। स्वरोजगार लघुवित्त वित्तीय संस्था लिमीटेडले लाभांश घोषणा गरेको छ ।
कम्पनीको माघ १५ गते दिउँसो ३ बजे बसेको सञ्चालक समितिको २६३औं बैठकले आर्थिक वर्ष २०७९/८० सम्मको वितरणयोग्य मुनाफाबाट संस्थाका शेयरधनीलाई चुक्तापूँजीको ७ प्रतिशत बोनस शेयर तथा कर प्रयोजनका लागि चुक्तापूँजीको ०.३६८४ प्रतिशत नगद लाभांश वितरणको प्रस्ताव गरेको हो ।
हाल यो कम्पनीको चुक्तापूँजी ६२ करोड ७२ लाख रुपैयाँ रहेको छ । प्रस्तावित बोनस शेयर वितरणपछि चुक्तापूँजी बढेर ६७ करोडभन्दा माथि पुग्नेछ । प्रस्तावित लाभांश नियामक नेपाल राष्ट्र बैंकबाट स्वीकृत भएपछि र कम्पनीको वार्षिक साधारणसभाले पारित गरेपछि शेयरधनीले पाउनेछन् ।
