ईकोनोमिक खबर, काठमाडौं।
मनमोहन स्मृति क्रिकेट केन्द्रद्धारा आजदेखि शुरु अण्डर १६ अन्तर प्रदेशिय क्रिकेट खेलको उद्घाटन कार्यक्रममा क्रिकेटको ब्याटिङ्गद्धारा उपराष्ट्रपति नन्द किशोर पुनबाट शुभारम्भ गरीयो। बलिङ्गमा नेकपाका घनश्याम भुषाल र फिल्डिगंमा जिवनराम श्रेष्ठ, कृष्ण गोपाल श्रेष्ठ, राम कुमारी झाँक्री लगायत नेताहरुको सहभागी थियोे।
कीर्तिपुरस्थित त्रिभुवन विश्विद्यालयको क्रिकेट मैदानमा हुने प्रतियोगितामा ७ वटै प्रदेशको सहभागिता रहनेछ। जसअनुसार समूह ‘ए’ मा प्रदेश ७, गण्डकी प्रदेश, प्रदेश ३ र कर्णाली प्रदेश गरी ४ टोली छनभने समूह ‘बी’ मा प्रदेश १, प्रदेश २ र प्रदेश ५ रहेका छन्। २४ गतेसम्म चल्ने प्रतियोगिताका सबै खेल ३० ओभरका हुनेछन्।। प्रतियोगितामा ह्वाइट ड्रेस र रातो बलको प्रयोग गरिने मनमोहन मेमोरियल क्रिकेट सेन्टरका अध्यक्ष ठाकुर गैरेले बताए।
बैशाख १८ देखि २४ सम्म संचालनहुने यस खेलमा ७ प्रदेशका १६ बर्षमुनिका खेलाडिहरु विच खेल हुनेछ। प्रतियोगिताको उद्धघाटन खेलमा प्रदेश नं ४ (गण्डकी प्रदेश) र प्रदेश ३ विच खेल खेल्नेछ। प्रत्येक समूहको शीर्ष २ टोली सेमिफाइल प्रवेश गर्नेछन्। प्रतियोगिताको विजेताले २ लाख ५० हजार नगद र खेलकुद सामग्री गरी कुल ५ लाखबराबरको पुरस्कार हात पार्नेछ भने उपविजेताले नगद १ लाख ५० हजार र १ लाख ५० हजार बराबरकै खेलकुद सामग्री हात पार्नेछ।
