इकोनोमिक खबर

NCELL

समाज

Home
समाज
इन्द्रजात्रा पर्व मनाइँदै, अनन्त चतुर्दशी पनि

इन्द्रजात्रा पर्व मनाइँदै, अनन्त चतुर्दशी पनि

NamiNews- नामीन्यूज

NamiNews- नामीन्यूजबिहीबार, असोज ११, २०८०

14Shares

sharethis sharing button

काठमाडौँ । वर्षा र सहकालका देवता देवराज इन्द्रको पूजा-आराधना गरी आज परम्परागत रुपमा इन्द्रजात्रा पर्व मनाइँदैछ।

प्रत्येक वर्ष भाद्र शुक्ल चतुर्दशीका दिन पर्ने यो पर्व काठमाडौँ, ललितपुर, भक्तपुर, धुलिखेल, दोलखालगायतका स्थानमा मनाइन्छ।

भाद्र शुक्ल द्वादशीका दिन हनुमानढोका अगाडि धार्मिक विधिपूर्वक इन्द्रध्वजासहितको लिङ्गो ठड्याइएपछि प्रारम्भ हुने यो जात्रा विभिन्न प्रकारका नाचगान, रथयात्रा र देवीदेवताको पूजाआजा गरी आठ दिनसम्म मनाउने प्रचलन छ।

भाद्र शुक्ल द्वादशीका दिन ठड्याइएको लिङ्गोलाई ‘इन्द्रध्वजोत्थान’ पनि भनिन्छ । लिङ्गोको फेदमा भैरवको पूजा गरिन्छ।

शत्रु पराजय भएपछि विजय मनाउने पर्वका रुपमा इन्द्रजात्रा मनाउने गरिएको हो। इन्द्रध्वजको पूजा गरी शक्ति प्राप्त गरेर प्रदर्शन गर्ने पर्वका रुपमा पनि इन्द्रजात्रालाई लिइन्छ ।

यसअघि तान्त्रिक विधिद्वारा पूजा गरी भक्तपुरको चितपोल जङ्गलमा छोडिएको बोकाले छोएको रूख भाद्र शुक्ल द्वितीयाका दिन काटिन्छ।

काटेपछि लिङ्गोलाई उपत्यका भित्र्याउन पनि साइत हेरिन्छ । उपत्यका भित्र्याएपछि एक रात भोटाहिटीमा राखी एकादशीका दिन विधिपूर्वक इन्द्रध्वजाको लिङ्गो तयार पार्ने गरिन्छ ।

आजको दिन मुख्यरूपमा मनाइने इन्द्रजात्रा पर्वमा राष्ट्रपतिबाट हनुमानढोकास्थित गद्दी बैठकमा जीवित देवीका रूपमा रहेका श्री गणेश, श्री भैरव र श्री कुमारीको रथयात्रा नजर गर्ने परम्परा छ । राजतन्त्र रहुञ्जेल राजाबाट श्री गणेश, श्री भैरव र श्री कुमारीको रथयात्रा नजर गर्ने परम्परा थियो ।

इन्द्रध्वजाको लिङ्गो ठड्याएपछि सुरु भएको जात्राभरि भक्कुनाच, महाकालीनाच, लाखेनाच, दशअवतार तथा देवराज इन्द्रको वाहन ऐरावत हात्तीको प्रतीकका रूपमा पुलुकिसी नाच नचाउने गरिन्छ ।

इन्द्रध्वजाको लिङ्गो ठड्याएको आठौँ दिनपछि अर्थात् आश्विन कृष्ण चौँथीका दिन ‘इन्द्रध्वज पातन’ गर्ने अर्थात् लडाउने विधान रहेको “भरणी नक्षत्रको रातमा लडाउने शास्त्रीय व्यवस्था छ, ‘भरण्यां निशि पातयेत्’ भनी उल्लेख गरिएको धर्मशास्त्रविद् प्रा डा देवमणि भट्टराईले बताए।

यस उपलक्ष्यमा आज उपत्यकाको पश्चिममा पर्ने दहचोकस्थित इन्द्रदहमा रातभर जाग्राम बसी भाद्र शुक्ल पूर्णिमाका दिन सोमबार स्नान गरेर मेला भर्न भक्तजनको घुइँचो लाग्छ ।

अनन्त चतुर्दशी

भाद्र शुक्ल चतुर्दशीका दिन अनन्तनाथ (भगवान् विष्णु) को पूजा आराधना पनि गरिन्छ । यसैले यस दिनलाई अनन्त चतुर्दशी पनि भनिन्छ। आज चोखो धागोमा अनन्त मन्त्रण गरी बाँध्नाले वर्षभर शुभ हुन्छ भन्ने विश्वास छ।

श्रावण शुक्ल पूर्णिमाका दिन कुनै कारणवश जनै (यज्ञोपवीत) मन्त्रन नपाएकाले आजै मन्त्रने शास्त्रीय विधान रहेको धर्मशास्त्रविद् भट्टराईले बताए।

अनन्त चतुर्दशीको व्रत पनि आज गर्नुपर्ने समितिले जनाएको छ । चतुर्दशीमा इन्द्रजात्रा मनाएपछि पूर्णिमामा इन्द्रदहमा गई स्नान गर्नुपर्ने धार्मिक विधि छ।

सामाजिक संजाल

शत्रु पराजय भएपछि विजय मनाउने पर्वका रुपमा इन्द्रजात्रा

ताजा समाचार

नेपाल विकासशील राष्ट्र हुँदाका तयारी कार्यहरुबारे गृहकार्य सुरु

१० औँ एसिया-प्रशान्त क्षेत्रीय सम्मेलन सम्पन्न

बाँसका सामग्री निर्माण सम्बन्धि तालिम शुरु

सरकार तथा संविधान दुबै असफल: प्रभु साह

बृहत्तर बुद्ध सर्किटको निर्माणमा साझेदारीको सम्भावना छ, उड्डयनमन्त्री बद्री प्रसाद पाण्डे

सामाजिक संजाल

शत्रु पराजय भएपछि विजय मनाउने पर्वका रुपमा इन्द्रजात्रा

सम्वन्धित समाचारहरु

बृहत्तर बुद्ध सर्किटको निर्माणमा साझेदारीको सम्भावना छ, उड्डयनमन्त्री बद्री प्रसाद पाण्डे

कवि तथा गजलकार सुदिम्न दाहालको ‘ साहित्य शैली ’ कविता तथा गजलसङ्ग्रह सार्वजनिक

होली पर्वको किंवदन्ती र धार्मिक परम्परा,तराईमा होलीको रौनक

मधानी महोत्सवले मौलापुरमा १० करोड भन्दा बढीको आर्थिक कारोबार : नगरपालिका

सिन्धुलीको दुधौली नगरपालिकाद्धारा शिव र बुद्ध भगवानको मूर्ति अनावरण

कुम्भमेलाका भाईरल गर्ल मोनालिसा पतौराधाम स्थित महादेव मन्दिरमा गरिन दर्शन

ताजा समाचार

नेपाल विकासशील राष्ट्र हुँदाका तयारी कार्यहरुबारे गृहकार्य सुरु

१० औँ एसिया-प्रशान्त क्षेत्रीय सम्मेलन सम्पन्न

बाँसका सामग्री निर्माण सम्बन्धि तालिम शुरु

सरकार तथा संविधान दुबै असफल: प्रभु साह

बृहत्तर बुद्ध सर्किटको निर्माणमा साझेदारीको सम्भावना छ, उड्डयनमन्त्री बद्री प्रसाद पाण्डे