काठमाण्डौ । सरकारले सामाजिक सुरक्षा कार्यक्रमका लागि १ खर्ब ५७ अर्ब ६३ करोड रुपैयाँ बजेट छुट्याएको छ।
अर्थमन्त्री डा. प्रकाशशरण महतले आगामी आर्थिक वर्षको बजेट वाचनका क्रममा यस्तो बताएका हुन्। तर आगामी आर्थिक वर्षको बजेटमा सरकारले ६८ वर्षमाथिका नागरिकको भत्ता भने बढाएन। भत्ता मासिक ४ हजार यथावत राखिएको छ।
आर्थिक संकटका कारण सरकारले यसअघि सरकारी तथा सार्वजनिक संस्थानका सबै कर्मचारीहरुको भत्ता पनि कटौतीको निर्णय लिएको थियो।
