ईकोनोमिक खबर, काठमाडौं।
आजको शेयर बजारमा कारोवार रकम निक्कै खुम्चिएको छ। नेप्से परसूचक सामान्य अंकले बढेपछि कारोवार रकम २९ करोडमै खुम्चियो। नेप्से परिसूचक ३ दशमलव ३९ अंकले बढेर १२ सय ५९ दशमलव ३७ बिन्दुमा पुगेको छ । क बर्गका कम्पनीहरुको कारोवार मापन गर्ने सेन्सेटीभ इन्डेक्स १ दशमलव ०३ अंकले बढेर २ सय ७२ दशमलव १४ बिन्दुमा पुगेको छ। कारोवारमा सुचिकृत १२ मध्ये चारवटा समूहका मात्र सूचक घटेका छन्। १ सय ७१ कम्पनीका १० लाख १३ हजार ७ सय ९४ कित्ता शेयर किनवेच हुँदा २९ करोड ४३ लाख ५ हजारको कारोवार भएको छ।
