काठमाडौं, साउन २० – नेपालमा वन व्यवस्थापनलाई आधुनिक प्रविधिसँग जोड्दै सिल्भिकल्चरल (Silvicultural) निर्णय प्रक्रियालाई थप प्रभावकारी बनाउने उद्देश्यले ‘नेपालमा स्मार्ट वन व्यवस्थापनका लागि डिजिटल उपकरणहरूको प्रयोग तथा सफ्टवेयर नवप्रवर्तन’ विषयक प्राविधिक प्रस्तुति आज काठमाडौंमा सम्पन्न भयो।
नेपाल वन प्राविधिक संघको आयोजनामा हुने कार्यक्रममा हाल फिनल्याण्डमा कार्यरत फरेष्ट नेपालका प्रवर्तक डा. हरि अधिकारीले वन व्यवस्थापन कार्ययोजना निर्माण तथा व्यवस्थापन विधि तयारीमा डिजिटल उपकरण र सफ्टवेयरको प्रयोगबारे विस्तृत प्राविधिक प्रस्तुति दिएका छन्।
आयोजकका अनुसार कार्यक्रममा स्मार्ट वन व्यवस्थापन, डिजिटल प्रविधिको प्रयोगमार्फत वन स्रोतको वैज्ञानिक व्यवस्थापन तथा सिल्भिकल्चरल निर्णय प्रक्रियालाई प्रभावकारी बनाउने उपायबारे छलफल हुनेछ। सहभागीहरूले प्रस्तुतिपछि प्रत्यक्ष अन्तरक्रिया र अनुभव आदान–प्रदान गर्ने अवसर पनि प्राप्त गरेका छन।
विशेषगरी सामुदायिक वन क्षेत्रमा कार्यरत वन प्राविधिकहरूका लागि कार्यक्रम अत्यन्त उपयोगी हुने आयोजकको विश्वास छ। वन व्यवस्थापनमा सूचना प्रविधिको प्रयोग बढ्दै गएको सन्दर्भमा यस्ता कार्यक्रमले वन क्षेत्रको क्षमता अभिवृद्धि तथा आधुनिक व्यवस्थापन प्रणालीको विकासमा सहयोग पुग्ने अपेक्षा गरिएको छ।
कार्यक्रम आज (अगस्ट ५, २०२६/साउन २०, २०८३) दिउँसो १:०० बजे नेपाल वन प्राविधिक संघको सभाहल, बबरमहलमा सम्पन्न भयो । यस कार्यक्रमको सहजीकरण पशुपतिनाथ कोइरालाले गर्नेछन्।
नेपाल वन प्राविधिक संघले सम्पूर्ण वन प्राविधिक तथा सरोकारवालाहरूलाई कार्यक्रममा सहभागी भई प्राविधिक ज्ञान र अनुभव आदान–प्रदान गरेको छ।
