काठमाडौं। माछापुच्छ्रे बैंक लिमिटेडले गत आर्थिक वर्षको मुनाफाबाट शेयरधनीलाई वितरण गर्ने लाभांश घोषणा गरेको छ।
बैंकको भदौ १३ गते बसेको सञ्चालक समितिको ५३६ औं बैठकले आर्थिक वर्ष २०८१/०८२ को अन्त्यमा कायम रहेको वितरणयोग्य मुनाफाबाट शेयरधनीहरुलाई चुक्ता पुँजीको ८ प्रतिशत लाभांश दिने निर्णय गरेको हो। संचालक समितिको निर्णयअनुसार ९२ करोड ९७ लाख रुपैयाँ लाभांश (कर सहित) वितरण गरिनेछ।
यसमध्ये बैंकले ४ प्रतिशत बोनस शेयर तथा ४ प्रतिशत नगद लाभांश (कर प्रयोजन सहित) दिने भएको छ।
प्रस्तावित लाभांश नेपाल राष्ट्र बैंकबाट स्वीकृति प्राप्त भई आगामी वार्षिक साधारण सभाबाट पारित भए पश्चात लगानीकर्तालाई वितरण गरिने जनाएका छन्।
