ईकोनोमिक खबर, काठमाडौं।
अपराध महाशाखाका प्रमुख थापा अनुसार, मुख्य योजनाकार, ह्याकर काले, लवाङ लगायत अन्य मतियार १२ जनाको संलग्नता रहेको भेटियो। नेपालमा सुनको भरीया जस्तै बैंकको पैसा अपचलनमा पनि लोभ राखी रकमको १० देखि ३५ प्रतिशत कमिसन लिई बाँकी रकम भारत पठाउने सम्मको काममा नेपालीलाई प्रयोग भएको देखिन्छ । एक महिनामा करिव ५ अर्वको पैसा निकाल्ने योजनामा थिए ‘काले’ नामका अफ्रिकि नागरीक पिटर।
ह्याकर ‘काले’ नेपाल–भारत आवत जावत गर्ने र नेपालको ई–बैकिङ सेवासंग परिचित ब्यक्तिपनि संलग्नरहेको अनुमान प्रहरीले गरेको छ । यसअघि चिनियाँ नागरिकले गरेको विभिन्न बैंकको एटीएम ह्याकिङ भन्दा यो घटना केहि फरक तरीकाले भएको अनुसन्धानले देखाएको छ ।
कृषि विकास बैंकको सफ्टवेयर नै ह्याक गरी विभिन्न व्यक्तिको खातामा रु ४ करोड ७३ लाख जम्मा भएको थियो भने पानस रेमिटेन्स बाट करिव १२ लाख निकालेको देखिन्छ । करिव १० लाख पुन कालेको समुहलाई नै पैसा पठाएको भेटियो। अन्य ६० लाख रुपैंया प्रहरीले बरामद गरेको छ। घटनामा बैंकको लाहान र अन्य शाखामा कार्यरत कर्मचारीको संलग्नताका विषयमा अनुसन्धान गर्न बैंकले समिति गठन भएको बैंकका प्रवत्ताले बताउनुभयो। यसअघि महाशाखाको टोलीले पानस रेमिट र कृषि विकास बैंकको सफ्टवेयर ह्याक गरेर पैसा निकाल्ने नेपाली एजेण्ट गरी १२ जनालाई आइतबार पक्राउ गरी अनुसन्धान गरिरहेको जनाएकोछ ।
समुहको नयाँ एजेन्टमा स्याँङजाका रामकृष्ण भुषाल रहेको महाशाखाका प्रहरी वरिष्ठ उपरीक्षक थापाले जानकारी दिए । उनलाई स्याङ्जा प्रहरीको सहयोगमा पक्राउ गरिएको र काठमाडौँ ल्याएर घटनाको अनुसन्धान गरिने उनले बताए । उनको बैँक खातामा रु ६५ लाख जम्मा भएपछि उनले निकाल्न भ्याएका थिएनन्।
