माबिलुङ्ग इनर्जी लिमिटेडको सर्वसाधारणका लागि जारी गरिएको प्राथमिक शेयर (आईपीओ) मा आवेदन दिने अन्तिम दिन आज हो।
कम्पनीले आयोजना प्रभावित स्थानीय बासिन्दा र विदेशमा रोजगारीमा रहेका नेपालीका लागि आईपीओ बाँडफाँड गरिसकेपछि साउन २६ गतेदेखि दोस्रो चरणमा सर्वसाधारणका लागि निष्काशन सुरु गरेको हो।
कम्पनीले ३८ करोड ५८ लाख २४ हजार रुपैयाँको जारी पूँजीमध्ये ४८.९९९८ प्रतिशत अर्थात १८ करोड ९० लाख ५३ हजार रुपैयाँ बराबरको १८ लाख ९० हजार ५३० कित्ता शेयर निष्काशनको अनुमति पाएको हो।
यसअघि ३ लाख ८५ हजार ८२४ कित्ता शेयर आयोजना प्रभावित स्थानीयलाई र १ लाख ५० हजार ४७१ कित्ता शेयर विदेशमा रहेका नेपालीलाई बिक्री भइसकेको छ।
दोस्रो चरणमा सर्वसाधारणका लागि १२ लाख ४८ हजार कित्ता
दोस्रो चरणमा कम्पनीले १३ लाख ५४ हजार २३५ कित्ता शेयर निष्काशन गरेको हो, जसको मूल्य १३ करोड ५४ लाख २३ हजार ५०० रुपैयाँ हुन्छ।
यसमा ३० हजार ९५ कित्ता कर्मचारीका लागि, ७५ हजार २३६ कित्ता सामूहिक लगानी कोषका लागि छुट्याइएको छ। बाँकी १२ लाख ४८ हजार ९०४ कित्ता शेयर सर्वसाधारणका लागि खुला
गरिएको छ।
आवेदन सीमा र रेटिङ्ग
सर्वसाधारणले न्यूनतम १० कित्तादेखि अधिकतम ५० हजार कित्तासम्मका लागि आवेदन दिन सक्नेछन्।
आईक्रा नेपालले कम्पनीलाई इक्रा एनपी इस्यूअर रेटिङ्ग सिंगल बी प्लस प्रदान गरेको छ, जसले औसत जोखिम स्तरमा दायित्व वहन क्षमताको संकेत गर्दछ।
