काठमाडौं । भौतिक पूर्वाधार तथा यातायातमन्त्री प्रकाश ज्वालाले चालक अनुमतिपत्र नविकरण(लाइसेन्स) अब हरेक १० वर्षमा गरे पुग्ने व्यवस्था गर्न लागिएको जानकारी दिएका छन् ।
मंगलबार मन्त्रालयमा आयोजित पत्रकार सम्मेलनमा मन्त्री ज्वालाले, हरेक ५÷५ वर्षमा गर्नुपर्ने लाइसेन्स नवीकरण अब हरेक १० वर्षमा गर्ने गरी तयारी भइरहेको जानकारी दिए ।
‘स्मार्ट लाइसेन्स ५÷५ वर्षमा गर्नुपर्ने नवीकरण अब हरेक १० वर्षमा गरे पुग्ने व्यवस्था लागू गर्ने तयारी छ ।’ उनले भने ‘ खर्च र लामो लाइन लाग्नु पर्ने बाध्यता हटाउन पनि अब हरेक ५÷५ वर्षमा नविकरण गर्नुपर्ने वाध्यता हटाउन लागिएको हो ।’
स्मार्ट लाइसेन्स वितरण सहज र सरल बनाउने काम सरकारको प्रमुख प्राथमिकतामा रहेको बताएका उनले यातायात क्षेत्रमा सबैभन्दा बढी गुनासो रहेको बताउँदै लाइसेन्सका समस्या समाधान गर्न सरकारले कार्ययोजना बनाएर अघि बढेको बताए । स्मार्ट लाइसेन्स कुुरेर बसेकाहरुको समस्या ७ महिनाभित्र अन्त्य गर्ने योजना उनले सुनाए ।
मन्त्री ज्वालाले संघ, प्रदेश र स्थानीय तहले बनाउने गरी कानूनी रूपमै सडक वर्गीकरण गरिने जानकारी दिदैँ एकजना वरिष्ठ सहसचिवको नेतृत्वमा अध्ययन समिति समेत गठन गरिएको बताए ।
काठमाडौंका खाल्डा देख्दा मन्त्रालयलाई गाली नगर्नुहोस् — सचिव शर्मा
पत्रकार सम्मेलनमा मन्त्रालयका सचिव केशव कुमार शर्माले, काठमाडौं लगायतका शहरी क्षेत्रको सडकमा खाल्डो देखिने साथ मन्त्रालयलाई गाली गर्ने गरिएको गुनासो गरे ।
विद्युत प्राधिकरण र खानेपानी मन्त्रालयको कामका कारण शहरी क्षेत्रमा सडक खाल्डो पर्ने समस्या हुने तर गाली भने मन्त्रालयले खानु परेको उनको भनाई छ ।
त्यस्तै काम नगर्ने ठेकेदारलाई कारबाही गर्न मन्त्रालय तयार रहेको समेत बताए । उनले भने ‘सकभर अहिले कामको जिम्मा पाएकै कम्पनीलाई काम सम्पन्न गर्न प्रेरित गर्छौ तर सुध्रिएर काम गरेनन् भने कालो सूचिमा राख्ने काम भइरहेको छ ।’
बजेट अभावका कारण समयमै काम सम्पन्न गर्न कठिन भएको भन्दै उनले असारमा काम गर्ने प्रवृतिको बचाउ गरे । नेपालका विभिन्न प्रवृतीका कारण यो सुधार हुन नसकेको उनको भनाई छ । त्यसमध्ये सरकारको भुक्तानी प्रणालीमै समेत समस्या रहेको उनले बताए ।
-1732059515.jpeg)
-1732059515.jpeg)
