ईकोनोमिक खबर,काठमाण्डौं।
नेपालीमुलका दिवेश पोखरेल (अर्थर गन) अमेरिकी आइडल सन् २०२० का उपविजेता पोखरेल नेपाली संस्कृति, नेपाल र पर्यटन विकासलाई संगीत मार्फत् सघाउन नेपालका विभिन्न क्षेत्रमा गएर नेपाल कन्सर्ट टुर ‘टुबोर्ग होमकमिङ अर्थर गन’ कालागी नेपाल आएको बताएका छन्।
उनी अमेरिकन आइडल अडिसनबाट चर्चित गायककार हुन्। अर्थर गनको कन्सर्टमा साथ दिने ३ जना रहेका छन्। एलेक्स डम्रसमा, सिन डक गितारमा र क्रिसपाल बेसमा रहेको छ। उनको कन्सर्टमा मिल्ने नेपाली ब्यान्ड र गायक पाए उनीहरुलाई पनि गाउन मौका दिने इभेन्ट म्यानेजरले बताए।
उनको यो पहिलो नेपाल कन्सर्ट टुर हो। ‘टुबोर्ग होमकमिङ अर्थर गन’ का बारे जानकारी दिन गरिएको बिहीबार काठमाडौँमा आयोजित पत्रकार सम्मेलनमा उनले नेपालको संस्कृति र पर्यटन विकासलाई प्रवद्र्धन गर्ने र नेपाली संस्कृतिको समग्ररुपको वृत्तचित्र (डकुमेन्ट्री) निर्माण गर्न नेपाल आएको बताए।
उनले भने, ‘सम्पूर्ण नेपालीलाई ‘न्यानो नमस्कार’ मलाई अमेरिकन आइडल प्रतिस्पर्धाको फाइनलमा पुर्याउन ठूलो प्रयास गर्नुहुने सम्पूर्ण नेपाली समर्थक प्रति गर्व र खुसी छु पहिलो पटक नेपाल आउँदा र अहिले नेपाल आउँदा धेरै फरक पाए।’ नेपालमा करिब एक महिना रहँदा उनी कन्सर्टको हिसाबले नभइ नेपाली सांस्कृति र पर्यटकीय हिसाबले पनि सक्रिय हुने उनले बताए।
नेपाल अति सुन्दर देश छ जहाँ पनि रमणिय लाग्छ, विदेशीहरुलाई नेपालका विभिन्न क्षेत्रको विषय चिनाउने र संगीत माफर््त जानकारी दिनेछन, विभीन्न स्थानमा गाएका अंग्रेजी र नेपाली दुवै भाषामा गीत हुनेछ, ट्राभल संगति डकुमेन्ट्री पनि बनाउने जानकारी दिए।
उनको पहिलो कन्सर्ट शनिबार बेलुका काठमाडौँको दरबारमार्गमा रहेको प्लाटिनम क्लबमा हुनेछ। भने दास्रोमा चितवनको लामिन लोमन, रोलीङग स्टोन पोखरा, लड बुटवल, केलेम टेङगलावुड काठमाडौँ, मोकाया हस्पीटालिटी बिर्तामोड, द भिन्टेज लन्ज धरान, शसा तवा कीर्तिपुरमा उनको इन्डोर कन्सर्ट हुने इभेन्ट म्यानेजरले बताए।
टुबोर्गको मुख्य प्रायोजनमा ब्रेन सर्भिसिङ र एमएन इभेन्ट्ससँगको सहकार्यमा उक्त कार्यक्रमहरु हुन लागेको हो।
