ईकोनोमिक खबर, काठमाडौं। स्थानीय बजारमा आज सुनको भाउ प्रतितोला रु ८०० ले घटेको छ।
नेपाल सुनचाँदी व्यवसायी महासङ्घका अनुसार छापावाला सुनको मूल्य प्रतितोला रु ७५,२०० र तेजाबी सुनको मूल्य प्रतितोला रु ७४,९०० मा झरेको छ।
आइतबार र सोमबार स्थिर रहेको छापावाला सुनको मूल्य मङ्गलबार प्रतितोला रु ५०० ले घटेर रु ७६ हजार र तेजाबी सुनको मूल्य रु ७५ हजार ७०० पुगेको थियो । यस्तै चाँदीको मूल्य पनि प्रतितोला रु पाँचले घटेको छ । महासङ्घले चाँदीको मूल्य प्रतितोला रु ८७५ तोकेको छ।
