ईकोनोमिक खबर, काठमाडौं।
सिन्धुपाल्चोकको चौतारा साँगचोकगढी नगरपालिका ९ स्थित सुनकोशी नदिमा यात्रुबस खस्दा १६ जनाको मृत्यु भएको र ४६ जनाको उद्धार गरीएको प्रहरीले जनाएका छन। दोलखाको मागादेउरालीबाट काठमाडौँ आउदै गरेको बा २ ख ७२४५ को बस आईतबार दिउसो सुनकोशी नदिमा खसेको थियो । नदिबाट १६ जनाको शब निकालिएको प्रत्यक्षदर्शीले बताए । ४६ जना घाईतेलाई उद्धार गरि धुलिखेर र खाडिचौर अस्पताल पठाईएको छ । नदीमा खसेको बसलाई अहिले बाहिर निकालिएको छ।
प्रहरी र सेनाको टोलीले क्रेनको सहायताले बसलाई नदिबाट बाहिर निकालेको हो । उद्धारका क्रममा केही यात्रुलाई नदीले बगाएको हुनसक्ने आशंका छ । बसमा कति यात्रु थिए र बगाएको यात्रुको संख्या यकिन हुन सकेको छैन । मृतकको पनि सनाखत हुने क्रम बाँकी रहेकोछ। प्रहरी, सेना, सशस्त्र प्रहरी र स्थानीयको सक्रियतमा खोजि तथा उद्धार कार्य जारी छ । बसमा दोब्बर यात्री सवार रहेको अनुमान गरिएको छ ।
