ईकोनोमिक खबर,– टेक्सास् इन्टरनेशनल कलेज र गोल्डेनगेट इन्टरनेशनल कलेजका विद्याथीहरुले प्रियंका कार्की र आयुषमान देशराज जोशीसँग मोःमोःउत्सव मनाए। प्रियंका र आयुषमान “कोक र मःमः पर्फेक्ट जोडी” नारा सहितको मोःमोःउत्सवको रौनक बढाउन मित्रपार्क स्थित टेक्सास् इन्टरनेशनल कलेज र राम मन्दिर मार्ग स्थित गोल्डेनगेट इन्टरनेशनल कलेज पुगे। र टेक्सास् इन्टरनेशनल कलेज र गोल्डेनगेट इन्टरनेशनल कलेजमा प्रियंका र आयुषमानले विद्यार्थीहरुसँग बसेर विभिन्न परिकारको मःम र कोका–कोलाको स्वाद र रौनाक बढाए। उनीहरुले विद्यार्थीहरुसँग कोका–कोला र मःम खादै, फोटो र सेल्फी खिचे । मोःमोःउत्सवका लागि कलेजका विद्यार्थीहरुपनि निकै उत्साहित थिए ।
कोका–कोला नेपालको सबैभन्दा लोकप्रिय पेय पदार्थ र रुचाईएको खाजा मःमःलाई एकसाथ ल्याएर ग्राहकहरुमा खुसीयाली बाड्न लगातार विगत ४ वर्षदेखि कोका–कोला मोःमोःउत्सव यस कम्पनिले प्रमोशन गरेको पाईन्छ।
यस उत्सवलाई भव्यरुपमा सफलपार्न सेलिब्रेटीहरुले विभिन्न आउटलेट र होटलहरु भ्रमणका साथै विभिन्न साँगीतिक कार्यक्रम संचालन गरिरहेको छ । साथै यस वर्ष उनीहरु कलेजका विद्याथीहरुसँग मोःमोःउत्सव मनाउन विभिन्न कलेजहरुमा पनि भ्रमण गरिरहेकाछन्।
यो कलेजका विद्यार्थी साथै सेलिब्रेटीहरुका लागि पनि केहि फरक अनुभव बटुल्ने अवसर हो । कलेजका विद्याथीहरु पनि आयुषमान र प्रियंकासँग कोका–कोला र मःमः साट्न पाउदा निकै खुसी भएका थिए । 
