ईकोनोमिक खबर, काठमाण्डौं।
नेपाल, एसीसी १९ वर्ष मुनीको पूर्व क्षेत्रीय क्रिकेट प्रतियोगिताको फाइनलमा प्रवेश गरेको छ । आज विहान किन्रारा ओभल मैदानमा आयोजक मलेसियालाई ७ विकेटले हराउँदै नेपाल उपाधि नजिक पुगेको हो । मलेसियाले दिएको ८८ रनको चुनौती नेपालले १५ दशमलब ५ ओभरमा ३ विकेट गुमाउँदै पूरा ग¥यो ।
नेपालका लागि भीम सार्की ३३ रोहितकुमार पौडेल ३१ रनमा नटआउट रहे । पवन सर्राफले १८, रित गौतमले ३ रन जोड्दा खडकबहादुर बोहरा भने शून्य रनमा आउट भए । यसअघि टस हारेर पहिला ब्याटिङमा तानिएको मलेसियाले ४० दशमलब ५ ओभरमा ८७ रन बनाएको थियो । मलेसियालाई सस्तैमा समेट्न नेपालका सागर ढकालले ३, कुशल मल्लले २, कमलसिंह ऐरी, रसिद खान र तिलकराज भण्डारीले समान एक एक विकेट लिए ।
नेपालले अब उपाधिका लागि हङकङ र सिंगापुरबीचको बिजेतासँग प्रतिष्पर्धा गर्नेछ । सिंगापुर र हङकङबीचको सेमिफाइनल खेल अहिले जारी छ ।
