स्थानिय संवाददाता।
नारायणगढ–मुग्लिन सडकखण्डमा गएराति ट्रकले मोटरसाइकललाई ठक्कर दिँदा एकजनाको मृत्यु भएको छ भने एक जना घाइते भएका छन् । नारायणगढबाट मुग्लिनका लागि छुटेको ना ६ ख २६ ५९ नम्बरको ट्रकले विपरित दिशाबाट जाँदै गरेको बा ८० प ८६५७ नम्बरको मोटरसाइकललाई ठक्कर दिँदा मोरङ हरैचाका राजेन्द्र चौधरीको मृत्यु भएको हो । सिन्धुली वुलन्जुका ३५ वर्षीय मुरारीप्रसाद बराल गम्भीर घाइते भएको र पुरानो मेडिकल कलेज भरतपुरमा उपचार भइरहेको जिल्ला प्रहरी कार्यालय चितवनले जनाएको छ ।