ईकोनोमिक खबर, काठमाडौं।
रिलायबल नेपाल लाइफ इन्स्योरेन्सले आफ्नो भुक्तानी सम्बन्धी कारोवारहरुलाई नेपाल क्लियरिङ्ग हाउसको भुक्तानी प्रणाली प्रयोगगरि डिजिटल माध्यमबाट भुक्तानी गर्नसक्ने गरि दुई संस्था बिच सम्झौता भएको छ । सम्झौता पत्रमा रिलायबल नेपाल लाइफ इन्स्योरेन्स लिमिटेडका तर्फबाट संस्थाका प्रमुख कार्यकारी अधिकृत नारायण बाबु लोहनी र एनसीएचएलका तर्फबाट संस्थाका प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन् । रिलायबल नेपाल लाईफ इन्स्योरेन्स लि. यस क्लियरिङ हाउसको सदस्यका रुपमा जोडिने,पहिलो लाइफ इन्स्योरेन्स कम्पनी बनेको छ ।

रिलायबल नेपाल लाइफ इन्स्योरेन्सले आफ्नो आन्तरिक भुक्तानी प्रणालीलाई NCHL-IPS/connect IPS e-Payment प्रणालीसँग आबद्ध भएपछि एजेन्ट कमिशन, तलब, भुक्तानी दिनुपर्ने बीलहरु, भुक्तानी लिनुपर्ने रकमहरु र लगानी सम्बन्धी कारोबारहरु यस संस्थासंग आबद्ध भएका बैंक खाताहरुबाट सोझै गर्नसकिनेछ । यो प्रणालीमा आबद्ध भए लगतै रिलायबल नेपाल लाइफ इन्स्योरेन्सका बीमितहरुले आफ्नो बीमा शूल्क(प्रिमियम) पनि अनलाइनमार्फत सजिलै तिर्न सक्नेछन् । यी सबै कारोबारहरु सोझै इन्स्योरेन्स कम्पनी तथा लाभग्राहिहरुका बैंक खाताहरुबाट हुनेछन् ।