काठमाडौं । सानिमा बैंक लिमिटेडले केयर एज रेटिङ्स नेपालबाट [CARE-NP] A- (Is) रेटिङ प्राप्त गरेको छ।
बैंकले २०८२ साल चैत २ गते उक्त रेटिङ प्राप्त गरेको जनाएको छ। बैंकका अनुसार यो मूल्याङ्कनले संस्थाको विश्वसनीयता, स्थिरता र जिम्मेवार बैंकिङ अभ्यासप्रतिको प्रतिबद्धतालाई झल्काएको छ।
बैंकले जारी गरेको प्रेस विज्ञप्तिअनुसार, यो रेटिङले सानिमा बैंकको वित्तीय अवस्था, सञ्चालन क्षमता र संस्थागत सुदृढतालाई सकारात्मक रूपमा मूल्याङ्कन गरेको छ।
सानिमा बैंकले देशभर आफ्नो सेवा विस्तार गर्दै आएको छ। हाल बैंकका १३४ वटा शाखा कार्यालय र १२८ वटा एटीएम सञ्चालनमा रहेका छन्। बैंकले ग्राहकलाई सहज, सुरक्षित र आधुनिक बैंकिङ सेवा उपलब्ध गराउँदै आएको जनाएको छ।
बैंकले आगामी दिनमा पनि विश्वसनीय, पारदर्शी र जिम्मेवार बैंकिङ सेवामार्फत ग्राहक तथा सरोकारवालाको विश्वास अझ मजबुत बनाउने प्रतिबद्धता व्यक्त गरेको छ।
