काठमाडौँ। नबिल एसएसई सामाजिक समस्याहरू पहिचान गरी त्यसलाई सम्बोधन गर्ने व्यापारिक ढाँचा (Business Model) विकास गर्न चाहने व्यक्तिहरूका लागि एक महत्वपूर्ण मञ्च हो। यस कार्यक्रमले सामाजिक उद्यमशीलता प्रवर्द्धन गर्ने लक्ष्य राखेको छ।

नबिल एसएसई (Nabil School of Social Entrepreneurship) का दुई कार्यक्रममा सहभागी हुन चाहनेका लागि आवेदन खुला गरिएको छ।

इच्छुक व्यक्तिहरूले नबिल बैंकको वेबसाइट तथा नबिल एसएईको सोसल मिडियामार्फत आवेदन दिन सक्नेछन्।

नबिल एसएसईले दुई मुख्य कार्यक्रमहरू:

१. नबिल एसएसई फेलोसिप कार्यक्रम (Fellowship Program)

लक्ष्य: दिगो विकासका लक्ष्यहरूमा योगदान पुर्‍याउने गरी समाज र वातावरणमा सकारात्मक प्रभाव पार्ने विचारहरूलाई व्यवसायमा रूपान्तरण गर्न सहयोग गर्ने।

 उद्देश्य: जीविकोपार्जन, सीप विकास, कृषि, शिक्षा, स्वास्थ्य सेवा, कला र समुदायको हित, ऊर्जा लगायत विभिन्न क्षेत्रहरूमा सामाजिक उद्यमशीलता प्रवर्द्धन गर्ने।

साझेदारी: त्रिभुवन विश्वविद्यालय (त्रिवि) व्यवस्थापन संकाय अन्तर्गत स्कूल अफ म्यानेजमेन्ट (School of Management) सँगको सहकार्यमा सञ्चालित।

अवधि: ६ महिनाको गहन कार्यक्रम, जसमा कुल एक वर्षसम्म मेन्टरिङ (Mentoring) प्रदान गरिनेछ।

•  प्रति महिना ३ दिन भौतिक रूपमा सिकाइ कार्यक्रममा सहभागी हुनुपर्ने।
• कुल १८ दिन आवासीय (Residential) कार्यक्रममा सहभागिता हुनेछ।

 योग्यता मापदण्ड:

• नेपाली नागरिक र १८ वर्ष वा सोभन्दा माथिको हुनुपर्ने।
• नेपाली र अङ्ग्रेजी दुवै भाषाको कार्यमूलक ज्ञान हुनुपर्ने।
• आफूले समाधान गर्न चाहेको सामाजिक समस्याको पहिचान गरेको र त्यसको सम्भावित समाधान विचारमा वा कागजातमा तयार भएको हुनुपर्ने।
• कार्यक्रमको ६ महिनासम्म हरेक महिना ३-४ दिन समय दिन प्रतिबद्ध हुनुपर्ने (न्यूनतम ९०% उपस्थिति अनिवार्य)।
• बोर्डिङ र लजिङ सुविधा बैंकले प्रदान गरे तापनि कार्यक्रममा सहभागी हुन लाग्ने यात्रा खर्च भने स्वयंले वहन गर्नुपर्ने।

 छनोट प्रक्रिया: दुई चरणमा हुनेछ। आवेदन फारमको समीक्षा गरिएपछि छनोट भएका आवेदकहरूलाई व्यक्तिगत अन्तर्वार्ताका लागि बोलाइनेछ।

नतिजा: कार्यक्रमको अन्त्यमा सहभागीहरूले लगानीका लागि तयार (Investment-Ready) उद्यम वा बजारमा उत्पादन/सेवा लिएर जान सक्ने व्यवसाय स्थापना गर्न सक्षम हुनेछन् र वित्तीय संस्था/लगानीकर्ताहरूलाई आफ्नो व्यापार योजना प्रस्तुत गर्न सक्नेछन्।

२. सामाजिक उद्यमशीलतामा प्रमाणपत्र पाठ्यक्रम (Certificate Course on Social Entrepreneurship)

उद्देश्य: नयाँ उद्यमी, विद्यमान उद्यमी, विद्यार्थी र आफ्नो क्षेत्रमा सामाजिक उद्यमशीलताको विकासमा योगदान दिन चाहने व्यक्तिहरूलाई सामाजिक उद्यमशीलताका बारेमा जानकारी प्रदान गर्ने।

साझेदारी: नबिल एसएसईले नेपालका सबै सातवटै प्रदेशका ७ शैक्षिक संस्थाहरू सँगको सहकार्यमा यो पाठ्यक्रम सञ्चालन गरिरहेको छ।

सहभागीहरू: १८ वर्षभन्दा माथिका सामाजिक समस्या पहिचान गरेका वा सामाजिक उद्यमशीलता सिक्न चाहने कुनै पनि व्यक्ति सहभागी हुन सक्नेछन्।

• पाठ्यक्रमले प्रदान गर्ने कुराहरू।
• एक सामाजिक उद्यमी बन्न आवश्यक व्यावहारिक पक्षहरूको सिकाइ।
• अनुभवी उद्यमी, विज्ञ र अभ्यासकर्ताहरूबाट सिक्ने अवसर।
• विविध पृष्ठभूमिबाट आएका साथीहरूसँग सिक्ने अवसर र सञ्जाल विस्तार।
• एक्सपोजर भ्रमणमार्फत व्यावहारिक अनुभवहरू सिक्ने अवसर।
• बैंकबाट लगानीयोग्य (Bankable) व्यापार योजना विकास गर्न सहयोग।

अवधि: ३ महिनाको अवधिमा जम्मा १४ दिनको पाठ्यक्रम।

सहभागीहरूको अनुभव: उनीहरूले आफ्नो आत्मविश्वास बढेको, नयाँ विचार र बजारको ज्ञान पाएको, जोखिम वहन गर्ने क्षमता बढेको, समान विचारधारा भएका व्यक्तिहरूसँग भेटघाट र सञ्जाल विस्तार भएको तथा सिकाइ वातावरणले मद्दत गरेको अनुभव बाँडेका छन्।

नोट: नबिल बैंकले दिगो विकासमा योगदान पुर्‍याउने उद्यमशीलतालाई सुदृढ गर्न यस कार्यक्रमलाई आफ्नो प्रमुख आधारका रूपमा लिएको छ। बैंकको भनाइ अनुसार, यस कार्यक्रममार्फत हालसम्म १७ हजारभन्दा बढी रोजगारी सृजनामा सहयोग पुगेको छ।