काठमाडौं।आइतबार सेयर बजार परिसूचक नेप्से ४.४४ प्रतिशत (१११ अंक)ले बढेर छब्बीस सय विन्दु माथि आएको छ।
बजार बन्द हुँदा नेप्से २६२३ विन्दुमा आएको हो।
अघिल्लो कारोबार दिन बिहीबार ६ प्रतिशतसम्म घटेर समय अगावै बन्द भएको बजार आइतबार भने उच्च अंकले बढेको छ।
भदौ २३ र २४ गतेको जेन-जि प्रदर्शनपछि लगानीकर्ता अत्तालिदा सेयर बजार सूचक नप्से उच्च अंकले घटेको थियो।
तर, पछिल्लो समय सरकारले बजार सुधारको लागि कार्यदल नै बनाएपछि लगानीकर्ताको मनोविज्ञान दरिलो बन्दै गएको हो।
