E-7 भिसामा कोरिया जान G2G (Government-to-Government) प्रणाली अनिवार्य हुँदैन। E-7 र G2G (EPS/E-9) दुई फरक प्रणाली हुन्।
E-7 भिसा विशेषगरी इन्जिनियरिङ, उत्पादन, वेल्डिङ, विद्युतीय, मेकानिकल, आईटी, अनुसन्धान, होटल तथा अन्य प्राविधिक र दक्ष पेशाका लागि प्रयोग हुने भिसा हो। योग्य सीप, अनुभव र कोरियाली रोजगारदाताको माग भएमा यसमार्फत कोरियामा रोजगारीको अवसर प्राप्त गर्न सकिन्छ।
मुख्य अन्तर:
- E-9 (EPS) = अदक्ष कामदारका लागि नेपाल र दक्षिण कोरिया सरकारबीचको G2G प्रणाली। यसमा EPS-TOPIK, HRD Korea लगायत सरकारी प्रक्रिया हुन्छ।
- E-7 = दक्ष/विशेष सीप भएका कामदारका लागि कोरियाली रोजगारदाताले (Employer-sponsored) माग गरेपछि जारी हुने भिसा। यसमा सम्बन्धित सीप, अनुभव र रोजगारदाताको Job Offer मुख्य आधार हो।
नेपालबाट E-7 मा जाने व्यवस्था:
नेपाल सरकारले “गणतन्त्र कोरियामा दक्ष कामदार पठाउने कार्यविधि – २०८०” लागू गर्दै इजाजतप्राप्त वैदेशिक रोजगार व्यवसायी (म्यानपावर कम्पनी) मार्फत E-7 भिसामा दक्ष कामदार पठाउने कानुनी व्यवस्था गरेको छ। तर रोजगार मागपत्र प्रमाणीकरण लगायतका प्रक्रियाका कारण कार्यान्वयन चरणबद्ध रूपमा अघि बढिरहेको छ।
नेपालको सन्दर्भमा भने एउटा महत्त्वपूर्ण कुरा छ।
नेपालले E-7 मार्फत दक्ष कामदार पठाउन कार्यविधि बनाएको भएपनि, कार्यान्वयनको क्रममा दूतावासबाट मागपत्र प्रमाणीकरणलगायत प्रक्रिया पूरा हुनुपर्ने व्यवस्था छ।
त्यसैले यदि काेहि कामदारले पहिल्यै कोरियाली कम्पनीबाट प्रत्यक्ष Job Offer पाउनुहुन्छ भने, कोरियाको अध्यागमन नियमअनुसार E-7 भिसाका लागि आवेदन दिन सकिन्छ। G2G आवश्यक हुँदैन।
तर नेपालबाट संस्थागत रूपमा E-7 मा कामदार पठाउने प्रक्रिया भने नेपाल सरकारको वैदेशिक रोजगारसम्बन्धी नियम, श्रम स्वीकृति र दूतावास प्रमाणीकरणजस्ता प्रक्रियासँग जोडिएको हुन्छ।
अर्थात् E-7 = G2G होइन। E-7 रोजगारदाता (Employer) केन्द्रित प्रणाली हो, जबकि EPS (E-9) सरकार–सरकार (G2G) प्रणाली हो।
