काठमाडौं। मन्त्रिपरिषद् बैठकले डा. कृष्ण तिमिल्सिनालाई नेपाल कृषि अनुसन्धान परिषद् (नार्क) को कार्यकारी निर्देशक नियुक्त गर्यो।
गत २ वर्ष देखि रिक्त रहेको कार्यकारी निर्देशकको पदमा सोमबार बसेको मन्त्रिपरिषद् बैठकले डा. कृष्ण प्रसाद तिम्सिनालाई नियुक्त गरेको छ।
उहाँ यसअघि नार्क अन्तर्गतको राष्ट्रिय कृषि निति अनुसन्धान केन्द्रको प्रमुखको जिम्बेवारीमा हुनुहुन्थ्यो।
कृषि अर्थशास्त्रका विभिन्न बिधामा बिगत २० वर्ष भन्दा बढि अनुसन्धान र विकासको अनुभव डा. तिम्सिनालाई छ।
उहाँले थाईल्यान्डको एशियन इन्स्टिच्युट अफ टेक्नोलोजीबाट सन् २०१५ मा विध्याबारिधि गर्नुभएको थियो भने Endeavour र Fulbright छात्रवृत्ति जस्ता वैश्विक प्रतिस्पर्धाबाट छनौट भई विद्यावारिधिपछिको अनुसन्धान (post-doc) अष्ट्रेलियाको चार्ल्स स्टर्ट युनिभर्सिटी र अमेरिकाको न्यु मेक्सिको स्टेट युनिभर्सिटीबाट गर्नु भएको थियो।
उहाँको यो शैक्षिक र अनुसन्धानको अनुभवले पक्कै पनि नार्कलाई एउटा उचाईमा पुर्याउने छ।
सोमबार साँझ बसेको मन्त्रिपरिषद् बैठकले तिमिल्सिनालाई परिषद्को कार्यकारी निर्देशक नियुक्त गर्ने निर्णय गरेको थियो।
