नेपाल कफी व्यवसायी महासंघले आगामी नेपाल कफी फेस्टिभल एण्ड च्याम्पियनसिप २०८१ आयोजना गर्न लागेको छ।
कफी उद्योगको मूल्य शृङखला अनुरुप कार्य गर्ने सम्पूर्ण सरोकारवालाहरुलाई अवसरहरुको खोजी गर्न, ज्ञान बाँडन र नेपालको कफी क्षेत्र विकास प्रर्वद्धन गर्न, एकिकृत गर्ने यो एउटा महत्वपूर्ण कार्यक्रम हो।
यो नेपाल कफी फेस्टिभल एण्ड च्याम्पियनसिप २०८१ मिति २०८१ साल चैत्र २१ देखि २३ गते सम्म ललितपुरको सानेपा स्थित हेरिटेज गार्डेनमा हुने छ ।
नेपाल कफी फेस्टिभल एण्ड च्याम्पियनसिप २०८१ मा कफीको आन्तरिक एवं वाहय बजार प्रर्वद्धन गर्ने, कफी क्षेत्र विकास प्रवर्द्धन गर्ने, उद्यमी व्यवसायीको आफ्ना उत्पादनहरु, सेवाहरुको प्रर्दशनी, कफीको राष्ट्रिय विद्यागत प्रतिस्पर्धा र पुरस्कार (क्याफे वारिस्ता, लाते अट र ब्रुइङ्ग) लगायत कफीको मूल्य शृङखला अनुरुप विविध विषयका वर्तमान अवस्था र वस्तुस्थितीलाइ सम्बोधन हुने गरि लगानी मैत्री वातावरणतय गदै सरोकार सम्वद्ध सम्पूर्ण मन्त्रालयहरु, राष्ट्रिय चिया तथा कफी विकास बोर्ड र व्यापार तथा निकासी प्रवर्द्धन केन्द्र संग सहकार्य एवं समन्यवय गरि यस कार्यक्रमको आयोजना गर्न लागेको छ।
नेपाल कफी फेस्टिभल एण्ड च्याम्पियनसिप २०८१ नेपाल सरकार उद्योग, वाणिज्य तथा आपूर्ति मन्त्रालय, कृषि तथा पशुपन्छी विकास मन्त्रालय, राष्ट्रिय चिया तथा कफी विकास बोर्ड, नेपाल पर्यटन वोर्ड, युरोपियन युनियन तथा कफी क्षेत्र उद्योग सम्बन्धित व्यवसायहरुको सहकार्य एवं समन्वयमा आयोजना हुन लागेको हो ।
नेपाल कफी फेस्टिभल एण्ड च्याम्पियनसिप २०८१ का मुख्य आकर्षणहरु:
१. प्रदर्शनी : प्रदर्शनीले कफी उत्पादकहरु, उपकरण निर्माताहरु, निर्यातकर्ताहरु र अन्य कफी क्षेत्र उद्योग सम्बन्धित व्यवसायहरुलाई आफ्ना उत्पादनहरु प्रदर्शन गर्ने अवसर प्रदान गर्नेछ । आगन्तुकहरुले कफीका परिकारहरु, कृषि तथा क्याफे स्थापनाका लागि आवश्यक मेसिनरीहरु, रोस्टिङ प्रविधिहरु, प्याकेजिङग समानहरु अवलोकन गर्ने अवसर पाउनेछन ।
२. कफीको स्वाद र प्रतियोगिताहरु : सहभागीहरुले नेपाली कफीको स्वादहरु लिन सक्छन, जहाँ उनीहरुले नेपालमा उत्पादित स्पेस्यिालिटि कफीको स्वाद लिने मौका पाउनेछन । साथै, सम्मेलनले कफीको विभिन्न प्रतिस्पर्धालाई प्रोत्साहन गर्दै विभिन्न विधाहरुमा (क्याफे वारिस्ता, लाते अट र ब्रुइङ्ग) उत्कृष्टताको पहिचान र पुरस्कृत गर्न कफी प्रतियोगिताहरु आयोजना गर्नेछ ।
३. नेटवर्किङ अवसरहरु : कफीको मूल्य शृङखला अनुरुप विविध विषयका वर्तमान अवस्था र वस्तुस्थितीलाइ सम्बोधन हुने गरि लगानी मैत्री वातावरण तय गर्न यस सम्मेलनले महत्वपूर्ण भुमिका खेल्ने छ । यसले कफी उत्पादकहरुलाई राष्ट्रिय र अन्तर्राष्ट्रिय उद्यमी व्यवसायीहरुसँग सम्पर्क स्थापित गर्न र बजार पहुँच विस्तार गर्न अवसरहरु सिर्जना गर्न महत्वपूर्ण भुमिका खेल्ने छ ।
नेपाल कफी फेस्टिभल एण्ड च्याम्पियनसिप २०८१ ले नेपालको कफी वृद्धिलाई बढावा दिने, नेपाली कफीको अन्तर्राष्ट्रिय मान्यतालाई बलियो बनाउने र कफी उत्पादक क्षेत्रहरुमा आर्थिक विकास र सामाजिक उत्थानका लागि अवसरहरु सिर्जना गर्ने परिवर्तनकारी कार्यक्रम हुने छ । यसले ज्ञान-साझेदारी, सहयोग र नवीनताको लागि अवसरहरु सिर्जना गर्नेछ, अन्ततः संलग्न सबै सरोकारवालाहरुलाई फाइदा प्रदान गर्नेछ ।
हामी सबै सरोकारवाला कफी उत्पादकहरु, उद्योग व्यवसायीहरु, कफी उत्साहहिरु र कफी क्षेत्रमा रुचि राख्ने सवैलाई नेपाल कफी फेस्टिभल एण्ड च्याम्पियनसिप २०८१ मा भाग लिन आमन्त्रित गर्दछौं ।
