ईकोनोमिक खबर, काठमाडौं। नार्कले आफ्नो ३२ औँ वार्षिकोत्सवका अवसरमा हालै विकास गरिएका नवीनतम् कृषि प्रविधिहरू सार्वजनिक गरेको छ ।
नेपालमा कृषि क्षेत्रको समष्टिगत विकासका लागि उन्नत कृषि प्रविधिको खोज, अध्ययन तथा अनुसन्धानलाई प्राथमिकतामा राख्दै स्थापित नेपाल कृषि अनुसन्धान परिषद् ९नार्क० ले नवीनतम् कृषि प्रविधिहरू विकास गरिएको जनाएको छ । नेपालमा कृषिसम्बन्धी सम्पूर्ण कृषि अध्ययन तथा अनुसन्धान गर्नेगरी सरकारबाट जिम्मेवारी पाएको नेपाल कृषि अनुसन्धान परिषद् ९नार्क० ले आफ्नो ३२ औँ वार्षिकोत्सव मनाउँदै छ । नार्कले हरेक वर्ष वैशाख २५ गते स्थापना दिवस मनाउने गरेको छ । नेपाल कृषि अनुसन्धान परिषद् ऐन, २०४८ अनुरूप ३१ वर्षअघि नार्कको स्थापना भएको थियो । परिषद्को अध्यक्ष कृषि तथा पशुपक्षी विकासमन्त्री रहने व्यवस्था छ ।
कृषि अनुसन्धानलाई प्रभावकारी र परिमाणमुखी बनाउने उद्देश्यले स्थापित नार्कले आफ्नो ३२ औँ वार्षिकोत्सवका अवसरमा हालै बाली तथा बागवानी अनुसन्धान, यान्त्रिकीकरण, पशु तथा मत्स्य अनुसन्धान, आनुवांशिक स्रोत संरक्षण र अन्य नवीनतम् कृषि प्रविधिहरू विकास गरी सिफारिस गरिएको जनाएको हो ।
नार्कका अनुसार हालसम्म ८० भन्दा बढी बालीवस्तुका ७ सयबढी जातहरू विकास गरी कृषकको खेतबारीमा पुर्याइएको छ ।
आनुवंशिक स्रोत संरक्षणतर्फ नार्कले विभिन्न बालीहरूका १२ हजारभन्दा बढी स्थानीय जातहरू संकलन तथा संरक्षण गरेको छ । जसअन्तर्गत रैथाने पशुवस्तुका ५ प्रजातिका १० जातहरू संरक्षण तथा प्रवर्द्धन भइरहेको छ । साथै विभिन्न स्थानीय तथा उन्नत पशुवस्तुको वीर्य जिन बैंकमा सुरक्षित राखी उपयोग भइरहेको छ । कृषि आनुवंशिक स्रोतअन्तर्गतका ६ वटा सम्भागहरू ९बाली, घाँसे बाली, पशुपक्षी, जलीय कृषि आनुवंशिक, कृषि(कीरा, र कृषि शुक्ष्म जीवाणु० लाई संरक्षण तथा उपयोग गरिरहेको नार्कले जनाएको छ ।
यसैगरी नार्कले अन्य नवीनतम् कृषि प्रविधिहरूमा फरक(फरक भौगोलिक स्थान र माटोको गुणस्तरअनुसार धान, मकै र गहुँमा मलखादको मात्रा सिफारिस गरेको छ । डिजिटल सोइल म्यापलाई हालसम्म ७७ जिल्लाका ३० हजार ५ सय ४८ नमूना विश्लेषणमार्फत अद्यावधिक गरिएको छ । आफ्नो बारीको माटोको गुणस्तर आफ्नै घरबाट ईन्टरनेटको प्रयोग गरी आफैँ हेर्न सकिने प्रविधिको विकास गरिएको छ । यस्तै सुन्तला, जुनार र कागतीलाई चिस्यान कोठामा ३ महिनासम्म भण्डारण गर्न सकिने प्रविधि सिफारिस गरिएको छ । सुन्तलाको जरा कुहिने रोग व्यवस्थापनका लागी जैविकरअर्गानिक व्यवस्थापन प्रविधि विकास गरिएको छ । यस्तै नार्कले किसानहरूको प्राविधिक समस्याको समाधानका लागि हरेक हप्ता सोमबार दिउँसो २ देखि ४ बजेसम्म पैसा नलाग्ने फोन नं ११३५ मा फोन गरी विशेषज्ञ सेवा लिन सक्ने व्यवस्था गरेको जनाएको छ ।
नार्कका अनुसार हालसम्म ८० भन्दा बढी बालीवस्तुका ७ सयबढी जातहरू विकास गरी कृषकको खेतबारीमा पुर्याइएको छ ।
कृषिसम्बन्धी उच्चस्तरीय अध्ययन तथा अनुसन्धान गर्ने गराउने, कृषि क्षेत्रका समस्याहरूको निराकरणका उपायहरू पत्ता लगाउने र राष्ट्रिय कृषि नीति तर्जुमाका लागि नेपाल सरकारलाई आवश्यक सहयोग पु(याउने उद्देश्यले नार्कले आफ्नो कार्य गर्दै आइरहेको छ ।
-1732059515.jpeg)
-1732059515.jpeg)
