ईकोनोमिक खबर, काठमाण्डौं।
चितवनका पोल्ट्री व्यवसायी एवम् नेपाली कांग्रेसका नेता शंकर कँडेललाई आत्महत्या गर्न दुरुत्साहन गर्नेलाई तत्काल पक्राउ गरी कानुनी कारबाही गर्न चितवन पोल्ट्री व्यवसायीको संघ, संस्थाले आग्रह गरेको छ । आत्महत्या दुरुत्साहनमा संलग्नविरुद्ध किटानी जाहेरी दिइसक्दा पनि प्रहरीले आरोपितलाई पक्राउ गर्न नसकेको व्यवसायीको गुनासो छ । मंगलबार साँझ आफ्नै अफिसमा झुण्डिएको अवस्थामा फेला परेका कँडेलको साथबाट प्रहरीले आठ पेज लामो सुसाइड नोट फेला पारेको थियो ।
एक जना आरोपित जिल्ला भित्रै हुँदा पनि प्रहरीले पक्राउ नगरेको भन्दै आज जिल्ला प्रहरी कार्यालय घेराउ गर्दैछ ।
बिहान साढे ११ बजे प्रहरी कार्यालय घेराउ गर्ने कार्यक्रम राखिएको जानकारी दिए ।
कँडेल नेपाली कांग्रेस चितवनका पूर्व कोषाध्यक्ष र वर्तमान महासमिति सदस्य पनि थिए ।
