ईकोनोमिक खबर, काठमाण्डौं।
नेपाल दुरसञ्चार प्राधिकरणको रजत जयन्तीको अवसरमा आयोजित अन्तर सेवाप्रदायक फुटसल प्रतियोगिता २०७९ को उपाधी वल्र्डलिंक कम्युनिकेशन लिमिटेडले जितेको छ।
गत २९ माघदेखि फागुन ५ गतेसम्म राजधानीमा सञ्चालित अन्तर सेवाप्रदायक फुटसल प्रतियोगिताको फाइनल खेलमा वल्र्डलिंकले एनसेलको टिमलाई ३–२ को गोलअन्तरले हराउँदै बिजयी भएको हो। बिजेता टिम वल्र्डलिंकले एक लाख राशीको पुरस्कार जितेको छ । उपविजेता एनसेनले ६० हजार रुपैयाँ पुरस्कार पाएको छ।
प्रतियोगिताको तेस्रो उपाधीको लागि भएको खेलमा भने डिस मिडियाले मर्कन्टाइल कम्युनिकेशनलाई २३–४ गोलअन्तरले पराजित गरेको छ । तेस्रो हुने डिस मिडिया नेटवर्कले ४० हजार नगद पुरस्कार पाएको छ। सो अन्तर सेवाप्रदायक फुटसल प्रतियोगितामा १० वटा इन्टरनेट सेवाप्रदायक कम्पनीले प्रतिस्पर्धा गरेका थिए ।
सो प्रतियोगितामा वल्र्डलिंक कम्युनिकेशन., नेपाल टेलिकम, डिस मिडिया नेटवर्क, स्मार्ट टेलिकम, सुबिसु केबलनेट लिमिटेड, सिजी कम्युनिकेशन लिमिटेड, मर्कन्टाइल कम्युनिकेशन, एनसेल आजिटा लिमिटेड र ब्रोडलिंक नेटवर्क एण्ड कम्युनिकेशन लगायत कम्पनीहरले सहभागिता जनाएका थिए।
