ईकोनोमिक खबर, काठमाण्डौं।
CoE-Nepal र राष्ट्रिय योजना आयोगसँगको समन्वयमा १३ अक्टोबर २०२२(२७ असोज २०७९ वि.स.), होटल हायात प्यालेस, सोल्टीमोड, काठमाडौंमा मूल्याङ्कन कन्क्लेभ कार्यक्रम सम्पन्न भएको छ। दक्षिण एसियामा हरेक २ २ बर्षमा संचालन हुने कार्यक्रम यस बर्ष CoE-Nepalले संचालन गरेको हो।
सीओई नेपालका महासचिव श्री प्रवीण चित्रकारले अतिथि र सहभागीहरूलाई स्वागत गर्दै उद्घाटन मन्तब्य राख्दै मूल्याङ्कनको गुणस्तर र उपयोगिता बढाउन योगदान र्पुयाउन भब्य कार्यक्रमलाई सफल बनाउनु भएको थियो।
सीओई नेपालका पूर्व अध्यक्ष तथा सीओई नेपालका सल्लाहकार, CoE-SA का डा गणपति ओझाले उद्घघाटन कार्यक्रमको अध्यक्षता गरेका थिए भने सीओई नेपालका अध्यक्ष कञ्चन लामाले सत्रको सहअध्यक्षता गरेका थिए।
राष्ट्रिय योजना आयोगका सदस्य डा रामकुमार फुयाँलले कार्यक्रमको प्रमुख अतिथिले भन्नुभयो, इक्विटी सिद्धान्तहरू सुनिश्चित गर्न एसडीजी लक्ष्यहरू प्राप्त गर्ने दिशामा मूल्याङ्कनका विद्यमान प्रक्रियाहरू र प्रयासहरूलाई बलियो बनाउन मूल्याङ्कन सम्मेलनको महत्त्वमा जोड दिँदै कार्यक्रमलाई अझै शसक्त रुपमा बढाउने र हरेक योजनामा मूल्यांकन लाई सम्बोधन गर्ने र खाँचोमा परेका मानिसहरूसम्म पुग्नको लागि राखिएको बताउनु भयो।
योजना आयोगका सदस्य सचिव श्री केवल प्रसाद भण्डारीले मुल्यांकनको महत्वको विषयमा बताउनु भयो। समाज कल्याण परिषदका सहायक निर्देशक राजेन्द्र प्रसाद उप्रेतिले मुल्यांकन गहनरुपमा हुनुपर्ने बताउनु भयो।
सदस्य, योजना आयोग सम्माननीय सुश्री सलोनी प्रधान सिंहले मन्तव्य राख्नुभयो। उनले निर्देशन मात्र नभई प्रभावकारी मूल्याङ्कनका लागि सहयोगी क्षमता अभिवृद्धि कार्यक्रमहरू कार्यान्वयन र उत्तरदायित्व अभिवृद्धिमा पनि एनपीसीको भूमिकामा जोड दिइनुपर्ने बताउनु भयो।
सीओई नेपालका कोषाध्यक्ष श्री महेन्द्र लक्ष्मी शर्माको सहयोगमा अनुसन्धान तथा विकास विज्ञ डा सृजना बरालले उद्घाटन कार्यक्रमको संचालन गर्नुभएको थियो । मूल्याङ्कन कन्क्लेभ कार्यक्रममा विभिन्न संघ, संस्थाबाट ३०० भन्दा बढी सहभागीहरूलाई समावेश थियो।
-1732059515.jpeg)
-1732059515.jpeg)
