आइसीसी एक दिवसीय विश्वकप क्रिकेटमा पाकिस्तान बंगलादेश विरुद्ध ब्याटिङ गरिरहेको छ।
लड्समा टस जितेर पहिला ब्याटिङ गरिरहेको पाकिस्तानले खेलिरहेको छ। बंगलादेश सेमिफाइलनको यात्राबाट बाहिरीसकेको छ भने पाकिस्तान झिनो आशासहित मैदान उत्रिएको छ। आजको खेलमा पाकिस्तानले बंगलादेशविरुद्ध चमत्कारिक जित निकाल्न सके विश्वकपको सेमिफाइनलमा स्थान सुरक्षित गर्नेछ। हाल तालिकाको चौथो स्थानमा रहेको न्युजिल्याण्डको ११ अंक छ र नेट रनरेटमा धेरै अगाडि रहेकोछ।
आजको खेलमा पाकिस्तानले सामान्य जित निकाल्दैमा सेमिफाइनलको ढोका खुल्ने छैन। ३ सय १६ रन भन्दा फराकिलो अन्तरले बंगलादेशलाई पराजित गर्न सकेमात्र पाकिस्तानले न्युजिल्याण्डलाई उछिनेर सेमिफाइनलमा स्थान कब्जा गर्नेछ। तर बंगलादेशले पनि राम्रो प्रदर्शन गरिरहेकाले फराकिलो जित पाकिस्तानका लागि कठिन छ। अहिले अस्ट्रेलिया, भारत, इंग्ल्याण्ड र न्युजिल्याण्ड क्रमश पहिलो, दोस्रो, तेस्रो र चौथो स्थानमा रहेका छन।
