काठमाडौं । नयाँ बजार, सोह्रखुट्टेको मनास्लु पब्लिक उच्च माध्यमिक विद्यालयमा वाटर कलर डेमोस्ट्रेसन सम्पन्न भएको हो।
मनास्लु विद्यालयको आयोजनामा भएको सो कार्यक्रममा काठमाडौँका नौ विद्यालयबाट करिब सय भन्दा बढि विद्यार्थी सहभागिता रहेको थियो।
सो कार्यक्रममा अन्तर्राष्ट्रिय वाटर कलर सोसाइटीका संस्थापक तथा अध्यक्ष अतानुर डोगनले आफ्नो वाटर कलर डेमोस्ट्रेसन पनि गरेका थिए।
यस्तै मनास्लु स्कुलका वाटर कलर आर्टिस सुजन तामाङले वाटर कलर सोसाइटीका संस्थापक अध्यक्ष डोगनलाई आफूले चित्रण गरेको वाटर कलर डेमोस्ट्रेसन पनि प्रदर्शन गरेको थिए।
सो कार्यक्रममा करातेका वल्ड च्याम्पियनसिपमा पाँचपटक गोल्ड मेडल विजेता केदारमान स्थापितलाई सम्मान पनि गरिएको थियो।
