काठमाडौं । मंगलबार राजधानीको जमलस्थित राष्ट्रिय नाचघरमा ग्लोवल युथ पार्लामेण्टले ‘राष्ट्रिय युवा संसद २०२४–२०२६’ अभियानको घोषणा एक भव्य समारोहकाबीच पूर्वप्रधानन्यायधीश शुशिला कार्कीको प्रमुख आतिथ्यतामा उक्त अभियानको घोषणा गरिएको हो ।
देशभित्रका र विदेशमा छरिएका युवालाई राष्ट्र निर्माणको महायज्ञमा हातेमालो गर्नका लागि ‘राष्ट्रिय युवा संसद’ नामक अभियानको घोषणा गरिएको हो, ग्लोवल युथ पार्लामेण्टले ‘राष्ट्रिय युवा संसद २०२४–२०२६’ अभियानको घोषणा गरेको छ ।
अभियानले युवालाई लोकतान्त्रिक प्रक्रिया र नेतृत्व भूमिकामा सशक्त र संलग्न गराउने, सामाजिक विकास र राष्ट्र निर्माणमा प्रतिबद्ध गराउने, जिम्मेवार र सक्रिय नागरिकको पुस्तालाई प्रवद्र्धन गर्दै युवालाई एकै ठाउँमा गोलबद्व गर्नका लागि दुई बर्षसम्म अभियान चलाइने अभियानका संयोजक एवम ग्लोवल युथ पार्लामेण्टका अध्यक्ष दिवाकर अर्यालले जानकारी दिए।
अभियानले नेपालका १६५ निर्वाचन क्षेत्रबाट १/१ जना सक्रिय युवालाई प्रोफाइल, सामाजिक प्रभाव र अनलाइन भोटिङको मिश्रित विधिबाट दुई वर्षका लागि चयन गर्नेछ । यस प्रक्रिया अन्तर्गत आगामी २०८२ साल बैशाख १ गते १६५ निर्वाचित गरी राष्ट्रिय युवा सांसदको घोषणा गरिनेछ,’ अर्यालले भने ।
‘अभियानले युवाको सशक्तीकरण, नेतृत्व विकास, र राजनीतिक तथा सामाजिक जागरुकतामा महत्वपूर्ण योगदान पुर्याउने अपेक्षा छ ।
कार्यक्रममा पूर्व प्रधानन्यायधीश शुशिला कार्कीले नयाँ पुस्ताले अब सरकार चलाउने लिड गर्नुपर्ने र पुरानो पुस्ताले विश्राम लिनुपर्ने बताइन । हाल सत्तामा रहेकाहरुले युवा हुँदा क्रान्ति गर्नुभएको, आन्दोलन गर्नुभयो, जेलनेल भोग्नुभयो तर त्यो गरेबापतमा उहाँहरुले सदावहार राजनीतिमा विरासत जस्तो गरेर बस्नु राम्रो नहुने बताइन् ।
घोषणा कार्यक्रममा महानायक राजेश हमालले युवाले आफूमा भएको उर्जालाई कसरी प्रयोग गर्ने भन्नेमा सदैव सचेत हुनुपर्ने र आफ्नो धरातलीय यथार्थका बारेमा पनि जानकार हुनुका साथै आफ्नो धरातलबाट कसरी माथी उढ्ने भन्नेमा सोच्नुपर्ने उनले बताए ।
बरिष्ठ पत्रकार एवं साहित्यकार डा.नवराज लम्सालले मुलुकका धेरै मान्छेहरु विभिन्न खाले अन्यौलमा देखिएको बताए । प्रत्येक मान्छे कसरी सांसद, मन्त्री र प्रधानमन्त्री बन्ने भनेर मात्र सोचेको हुन्छ, तर सांसद मन्त्री र प्रधानमन्त्री भएपछि के गर्ने ? भनेर कसैले सोच्दैन्, त्यसैले आजका युवामा भिजन हुनु आवश्यक रहेको उनले बताए ।
बैकर्स मनोज ज्ञवालीले पुराना नेताहरुले धेरै संघर्ष गरेर नेपाललाई यहाँसम्म पुर्याउनमा उहाँहरुको महत्वपूर्ण योगदान भएतापनि अब युवा पुस्ताले देशलाई हाक्नुपर्ने बेला आएको भन्दैं युवाहरु तात्नुपर्ने बेला आएको बताए । राजनीतिक अस्थीरता र देशमा धेरै दल हुँदा पनि देशको विकासको गति लिन सम्भव नभएको ज्ञवालीले बताए ।
-1732059515.jpeg)
-1732059515.jpeg)
