जलवायु परिवर्तनको असर सबै क्षेत्रले भोग्न थालेका छन् । राष्ट्रिय अनुकूलन कार्यक्रमको कार्यले जनस्वास्थ्यलाई जलवायु परिवर्तनको सबैभन्दा जोखिममा पर्ने क्षेत्रको रूपमा पहिचान गरेको छ। विभिन्न अध्ययन प्रतिवेदनले मौसममा आएको परिवर्तनका कारण अहिलेको स्वास्थ्यमा समस्या जस्ता असर परेको देखाएको छ, बिरामी र मृत्युदर दिनप्रतिदिन बढ्दै गएको छ। जल तथा मौसम विज्ञानसँग सम्बन्धित सूचकहरूमा तापक्रम वृद्धि, बाढी, पहिरो, हिमनदीको झरना, मरुभूमिकरण, पानीका स्रोतहरू सुक्दै जानु, खडेरी लगायतका कारणले स्वास्थ्य क्षेत्रमा जोखिम बढ्दै गएको छ ।स्वास्थ्य सेवामा सीमित पहुँच, स्वस्थ जीवनशैली र व्यवहारप्रति चेतनाको कमी, घरायसी तथा व्यावसायिक कार्यभार, आर्थिक स्रोतको अभाव र यस्तै अन्य कारणले जोखिममा रहेका समुदाय (महिला, बालबालिका, अपाङ्गता भएका, ज्येष्ठ नागरिक) को स्वास्थ्य जोखिममा छ । जलवायु परिवर्तनले कृषि, ऊर्जा प्रभावित भएको छ । जलस्रोत, वन आदि जसको प्रत्यक्ष र अप्रत्यक्ष प्रतिकूल असर जोखिममा परेका समुदायमा परेको छ ।नेपालजस्तो विकासोन्मुख मुलुकमा फराकिलो पहाडी क्षेत्रको भएको जलवायु परिवर्तन र त्यसको स्वास्थ्यमा पार्ने असरसम्बन्धी अनुसन्धान गतिविधिमा धेरै चुनौतीहरू छन् । अपर्याप्त प्रशिक्षित जनशक्ति, कमजोर आर्थिक अवस्था, तथ्याङ्कको अभाव र उपयुक्त अनुसन्धान पद्धति आदि अहिलेका केही चुनौतीहरू हुन्।किटजन्य रोगहरू (औलो, कालाजार, डेंगु, जापानी इन्सेफलाइटिस, स्क्रब टाइफस, जिका र चिकनगुनिया), खाना र पानीजन्य रोगहरू (हैजा र झाडापखाला), श्वासप्रश्वास र अन्य जलवायु संवेदनशील रोगहरू (कुपोषण र मानसिक रोग)लाई जलवायु संवेदनशील स्वास्थ्य परिणामहरू मानिन्छ। स्वास्थ्यमा जलवायु परिवर्तनको जोखिम जनसांख्यिकीय विशेषता, भौगोलिक स्थान र पेशागत समूह, सामाजिक, सांस्कृतिक र राजनीतिक पक्षका आधारमा फरक-फरक हुन्छ। नेपालको स्वास्थ्य क्षेत्रले निवारक तथा उपचारात्मक प्रवर्द्धन कार्यक्रम मार्फत विभिन्न किसिमका रोगहरुको प्रकोपलाई सम्बोधन गर्ने उपायहरु अभ्यास गर्दै आएको छ।
-1735529524.jpeg)
-1735529524.jpeg)
