कीर्तिपुर। नेपाल कृषि मेशिनरी व्यवसायी संघ (नामिया) द्वारा आयोजित पाँच दिने हात ट्याक्टर (मिनी टिलर) मर्मत–सम्भार सम्बन्धी तालिम सफलतापूर्वक सम्पन्न भएको छ। संघले सहभागीहरूलाई सैद्धान्तिक तथा व्यवहारिक दुवै क्षेत्रमा दक्ष बनाएको बताइएको छ।
२४ जनाको सहभागिता, सैद्धान्तिक–व्यवहारिक प्रशिक्षण सम्पन्न
समशितोष्ण बागवानी केन्द्र, कीर्तिपुरमा आयोजना गरिएको तालिममा २४ जना सहभागी प्रशिक्षार्थीले मिनी टिलर मर्मत सम्बन्धी आवश्यक ज्ञान हासिल गरेका छन्।
कृषि यान्त्रिकरणमा दक्ष जनशक्ति अभाव दूर गर्ने प्रयास
तालिमले गाउँ–गाउँमा यान्त्रिकरण सेवा विस्तार तथा दक्ष प्राविधिक उत्पादनमा भूमिका खेल्ने अपेक्षा गरिएको छ। संघका पदाधिकारीले यस्तो तालिम आयोजित गर्नामा सरकारी तथा स्थानीय तहको सहभागीता आवश्यक रहेको बताएका छन्।
आगामी तालिमहरूमा व्यापक सहभागिता
अन्तरगत संस्था तथा सरोकारवालाहरुले कृषि मेसिनरी तालिमलाई निरन्तरता दिने र अन्य क्षेत्रमा समेत आयोजना गरी कृषिमा दक्ष जनशक्ति उत्पादनमा जोड दिने प्रतिबद्धता व्यक्त गरेका छन्।
