काठमाडौं । राष्ट्रिय वाणिज्य बैंक लिमिटेडले बैंकिङ क्षेत्रको दिगो गुणस्तर वृद्धिका लागि आरबीबीएल म्यानेजमेन्ट कन्फरेन्स २०२४ आयोजना गर्ने भएको छ।
हाल राष्ट्रिय अर्थतन्त्र र बैंकिङ क्षेत्रमा देखिएका समस्या तथा चुनौतिहरुको बारे कार्यक्रम गर्न लागिएको हो।
अर्थविद्, बैंकिङविज्ञ तथा उद्यमीहरुका बीचमा ब्यापक छलफल गरी बैंकिङ्ग क्षेत्रमा देखिएका चुनौतीहरुलाई सम्बोधन गर्न तथा आगामी दिनमा दिगो बैंकिङ्ग विकासका लागि दिशा निर्देश गर्न बैंकले आरबीबीएल म्यानेजमेन्ट कन्फरेन्स गर्ने भएको हो । उक्त कार्यक्रम यहि चैत्र ३ गते शनिबार काठमाडौंमा आयोजना गर्न लागेको हो ।
कार्यक्रमको प्रमुख अतिथिमा अर्थमन्त्री वर्षमान पुन रहने आयोजकले जनाएको छ । साथै कार्यक्रममा अर्थविद् एवं डा. स्वर्णिम वाग्ले, नेपाल राष्ट्र बैंकका गभर्नर महाप्रसाद अधिकारी, नेपाल बैंकर्स संघका अध्यक्ष सुनिल केसी, अर्थ मन्त्रालयका सचिव (राजस्व) डा. रामप्रसाद घिमिरे, नेपाल उद्योग वाणिज्य महासंघका पूर्व अध्यक्ष एवं उद्यमी भवानी राणा, अर्थविद् एवं राष्ट्र बैंकका कार्यकारी निर्देशक डा. प्रकाश कुमार श्रेष्ठ, बरिष्ठ बैंकर्स परशुराम कुंवर, भुवन दाहाल तथा किरणकुमार श्रेष्ठ, फिनटेक विज्ञ संजिव सुब्बा, कमनसेन्स विज्ञ सुजिब शाक्य लगायतले आ–आफ्नो धारणा राख्ने भएका छन् ।
कार्यक्रममा अर्थविद् डा. स्वर्णिम वाग्लेको कि नोट्स मन्तब्य हुनेछ । बैंक सञ्चालक समितिका अध्यक्ष दिलिपकुमार ढुङ्गानाको सभापतित्वमा सम्पन्न हुने कार्यक्रममा करिब ४५० जनाको उपस्थिति रहने छ ।
-1732059515.jpeg)
-1732059515.jpeg)
